Dosbarth Derbyn - Nant yr Aber
Athrawes: Miss L Davies
Gwersi Addysg Gorfforol: Dydd Mawrth (siorts du a chrys-t gwyn wedi eu labelu).
Mae angen dŵr ar eich plant yn ddyddiol. Mae yfed dŵr yn bwydo’r ymennydd!
Blasus
Trosolwg o’r Prosiect
Mae’r prosiect hwn yn canolbwyntio ar Wybodaeth a Dealltwriaeth o’r Byd ac yn galluogi’r plant i archwilio gwahanol fathau o fwydydd, yn cynnwys arsylwi a phrofi sut mae bwydydd yn newid wrth goginio, toddi, cymysgu a rhewi. Byddwn yn annog y plant i feddwl yn greadigol gan gymhwyso eu profiadau blaenorol, eu sgiliau a’u dealltwriaeth i gynllunio a gwneud bwydlen o brydau bwyd ar gyfer picnic.
Yn y prosiect hwn bydd plant yn dysgu am:
• Gwahanol fathau o fwydydd
• Hoff a chas fwydydd
• Y synhwyrau o arogleuo a blasu
• Cadw’n iach trwy fwyta diet cytbwys
• Mesurau ac arian trwy gyd-destunau chwarae
• Bwydydd o wahanol wledydd
• Prosesau coginio, toddi, rhewi a chymysgu
• Mynegi eu hunain yn greadigol gan ddefnyddio ystod o gyfryngau gwahanol
• Yr iaith Gymraeg gan ddefnyddio geiriau ac ymadroddion dros ystod o
brofiadau yn yr amgylchedd dan do ac yn yr awyr agored.
Tywynnu a Phelydru
Trosolwg o’r Prosiect
Mae’r prosiect hwn yn canolbwyntio ar Wybodaeth a Dealltwriaeth o’r Byd ac yn galluogi plant i archwilio pethau sy’n pefrio, pelydru, tywynnu, adlewyrchu, disgleirio a fflachio. Byddwn yn annog y plant i feddwl yn greadigol gan gymhwyso eu profiadau, sgiliau a dealltwriaeth flaenorol i ddatrys dirgelwch yr ‘Anrhegion Coll’.
Yn y prosiect hwn bydd plant yn dysgu am:
• Deunyddiau sy’n disgleirio a deunyddiau sydd ddim.
• Deunyddiau sy’n adlewyrchu golau a’r rheiny sydd ddim.
• Nodweddion deunyddiau gwneud a rhai naturiol yn enwedig y rheiny sy’n disgleirio, pelydru, fflachio, tywynnu ac adlewyrchu.
• Gwneud cysgodion gan ddefnyddio ffynhonnell golau.
• Diogelwch tân a rheolau i gadw’n ddiogel dan do ac yn yr awyr agored.
• Gwahanol ffynonellau golau a sut mae golau yn bwysig mewn ystod o ddathliadau gwahanol gan gynnwys y Nadolig.
• Traddodiadau’r Nadolig.
• Gwneud marciau, tynnu lluniau ac ysgrifennu cynnar.
• Yr iaith Gymraeg gan ddefnyddio geiriau ac ymadroddion ar draws ystod o
brofiadau yn yr amgylchedd dan do ac yn yr awyr agored.